«Мұғалжар ауданының білім бөлімі» ММ
«Жаңажол жалпы білім беретін орта мектебі» КММ
КГУ «Жанажольская общеобразовательная средняя школа»

ГУ «Отдел образования Мугалжарского района»

АТА- АНАЛАРҒА БУЛЛИНГТІҢ АЛДЫН АЛУ БОЙЫНША ТҮСІНДІРМЕ ЖҰМЫСТАРЫН ҰЙЫМДАСТЫРУ ЖӘНЕ ЖАДНАМА ТАРАТУ

Жаңажол жалпы білім беретін орта мектебінде білім алушылар арасында буллингтің (қорқыту, әлімжеттік көрсету) алдын алу мақсатында ата-аналарға арналған түсіндірме жұмыстары ұйымдастырылды.

Аталған іс-шараның негізгі мақсаты – ата-аналарға буллингтің мәнін, оның түрлерін, бала психологиясына тигізетін кері әсерін түсіндіру, сондай-ақ мұндай жағдайлардың алдын алу жолдарын кеңінен насихаттау болып табылады. Осы бағытта мектеп әкімшілігі мен педагог-психолог мамандардың қатысуымен ата-аналар жиналысы өткізілді.

Жиналыс барысында ата-аналарға буллинг ұғымы, оның физикалық, психологиялық және кибербуллинг сияқты түрлері туралы жан-жақты ақпарат берілді. Сонымен қатар, буллингтің белгілерін ерте анықтау, баланың мінез-құлқындағы өзгерістерге назар аудару, онымен ашық қарым-қатынас орнату қажеттілігі түсіндірілді. Мамандар ата-аналарға баланың қауіпсіздігін қамтамасыз ету, мектеппен тығыз байланыста болу және кез келген мәселені дер кезінде шешу маңызды екенін атап өтті.

Іс-шара барысында ата-аналарға арнайы дайындалған жаднамалар таратылды. Жаднамада буллингтің алдын алу жолдары, балаға психологиялық қолдау көрсету тәсілдері, сондай-ақ сенім телефондары мен жауапты мамандардың байланыс деректері көрсетілді.

Сонымен қатар, ата-аналар тарапынан қойылған сұрақтарға жауап беріліп, пікір алмасу жүргізілді. Бұл өз кезегінде ата-аналар мен мектеп арасындағы өзара ынтымақтастықты нығайтуға ықпал етті.

Қорытындылай келе, ұйымдастырылған түсіндірме жұмыстары ата-аналардың буллинг мәселесіне деген жауапкершілігін арттырып, балалардың қауіпсіз әрі қолайлы ортада білім алуына жағдай жасауға бағытталды.

https://www.instagram.com/reel/DTsAHgODakW/?utm_source=ig_web_copy_link&igsh=MzRlODBiNWFlZA==

Жауапты: А.Ғайнединова /әлеуметтік педагог/

«ЖАҚСЫЛЫҚ ЖАСАП ЖАРЫСАЙЫҚ»

Жаңажол жалпы білім беретін орта мектебінің барлық сынып оқушылары «Жақсылық жасап жарысайық» челленджіне белсене қатысып, бірауыздан атсалысты. Бұл игі бастама оқушылардың мейірімділік, жанашырлық және қамқорлық сияқты адамгершілік қасиеттерін арттыруға бағытталды. Әр сынып өз үлесін қосып, қолдан келгенше азық-түлік жинауға күш салды. Оқушылар ғана емес, ұстаздар мен ата-аналар да бұл шарадан тыс қалмай, қолдау білдірді.

Челлендж барысында жиналған азық-түліктер сұрыпталып, арнайы қаптарға салынды. Ұйымдастырушылар мұқтаж жандардың жағдайын ескеріп, көмекті әділ әрі тиімді түрде үлестіруге мән берді. Нәтижесінде жиналған азық-түлік ауылымыздағы жағдайы төмен 7 отбасыға табысталды. Әр отбасы көрсетілген көмекті үлкен ризашылықпен қабылдап, мектеп ұжымына алғыстарын білдірді.

Бұл шара оқушыларға тек қайырымдылық жасаудың маңызын ұғындырып қана қоймай, қоғамға пайдалы болудың жарқын үлгісін көрсетті. Осындай игі істер алдағы уақытта да жалғасын тауып, көпшілікке үлгі болары сөзсіз.

https://www.instagram.com/stories/highlights/17992040291945938/

Жауапты: А.Ғайнединова /әлеуметтік педагог/

STOP GAME: АҚЫЛДЫ ТАҢДАУ АЛАҢЫ
“Адал азамат” Біртұтас тәрбие бағдарламасы аясында 8–10 сынып оқушылары арасында “StopGame: Ақылды таңдау алаңы” тақырыбында лудомания мен алаяқтықтың алдын алуға бағытталған тимбилдинг ойыны ұйымдастырылды.
Іс-шараның басты мақсаты – жасөспірімдерге қаржылық сауаттылықты қалыптастыру, құмар ойындардың зиянын түсіндіру, интернет-алаяқтықтан сақтану жолдарын үйрету және саналы шешім қабылдау дағдыларын дамыту.
Оқушылар 8 тур бойынша өзара жарысып, логикалық тапсырмалар орындады, жағдаяттық сұрақтарға жауап берді және командалық бірліктерін көрсетті. Әр кезеңде лудоманияның қауіптілігі, оның психологиялық және әлеуметтік салдары, сондай-ақ алаяқтық әрекеттерден қорғану тәсілдері кеңінен талқыланды.
Нәтижесінде 10-сынып оқушыларынан құралған “ENERGY BOOST” командасы І орын, 8-сынып оқушыларынан құралған “ALPHA STRATEGY” командасы ІІ орын, 9-сынып оқушыларынан құралған “DRIVE ZONE” командасы ІІІ орын иеленді.
Көңілді әрі мазмұнды өткен ойын барысында қатысушылар белсенділік танытып, өз ойларын еркін жеткізе білді. Нәтижесінде оқушылар “ақылды таңдау” жасау – болашаққа жасалған сенімді қадам екенін түсінді.
Жауапты: Г.Бидағұлова, А.Әшібай, А.Ғайниденова
https://www.instagram.com/p/DVJHR7UDLJZ/

НАУРЫЗНАМА

15- НАУРЫЗ ҚАЙЫРЫМДЫЛЫҚ КҮНІ

«ЖАҚСЫЛЫҚҚА БІР ҚАДАМ»

    Наурызнама онкүндігі аясында 15 наурыз – Қайырымдылық күні ретінде атап өтіледі. Осы игі мерекеге орай Жаңажол жалпы білім беретін орта мектебінде “Жақсылыққа бір қадам” атты қайырымдылық жәрмеңкесі ұйымдастырылды. Шараның негізгі мақсаты – оқушылардың бойында мейірімділік, жанашырлық, қайырымдылық сияқты адамгершілік қасиеттерді қалыптастыру, бір-біріне қолдау көрсетіп, жақсылық жасауға тәрбиелеу.

    Жәрмеңкеге мектептің 5–7 сынып оқушылары белсене қатысып, өздерінің ұйымшылдығы мен ынтымағын көрсетті. Әр сынып алдын ала дайындалып, түрлі тәтті тағамдар, үйде дайындалған бәліштер, бауырсақтар, тәтті тоқаштар, сусындар алып келді. Оқушылар өздері дайындаған өнімдерін жәрмеңкеге ұсынып, сатып алушыларға жылы шыраймен қызмет көрсетті.

    Балалардың белсенділігі мен ынтасы жәрмеңкенің жоғары деңгейде өтуіне үлкен үлес қосты. Жиналған қаражаттың барлығы жетім баланың тұрғын үйге жинап жатқан есепшотына аударылды.

    Бұл жәрмеңке оқушыларға тек сауда жасау емес, жақсылық жасау, бір-біріне көмектесу, қоғамға пайдалы болу сияқты маңызды құндылықтарды түсінуге мүмкіндік берді. Осындай игі шаралар балалардың жүрегіне мейірім ұялатып, оларды қайырымды әрі жауапкершілігі мол азамат болып қалыптасуына ықпал етеді.

Орындаған: А.Ж.Ғайнединова /әлеуметтік педагог/

https://www.instagram.com/reel/DV5nUymjbOM/?utm_source=ig_web_copy_link&igsh=MzRlODBiNWFlZA==