«Мұғалжар ауданының білім бөлімі» ММ
«Жаңажол жалпы білім беретін орта мектебі» КММ
КГУ «Жанажольская общеобразовательная средняя школа»

ГУ «Отдел образования Мугалжарского района»

Мектеп парламентінің алғашқы отырысы туралы мәлімет

Жаңа 2025–2026 оқу жылының басталуына орай мектебімізде Мектеп парламентінің алғашқы отырысы өткізілді. Отырысқа мектеп әкімшілігі, парламент мүшелері және белсенді оқушылар қатысты.

Отырыстың негізгі мақсаты – жаңа оқу жылына арналған жұмыстарды жоспарлау, парламент құрамын жаңарту және алдағы міндеттерді айқындау болды.

Күн тәртібінде бірнеше маңызды мәселелер қаралды. Атап айтқанда, жаңа оқу жылына арналған Мектеп парламентінің жылдық жұмыс жоспары таныстырылып, алдағы уақытта өткізілетін іс-шаралар мен жобалар талқыланды. Жоспар аясында тәрбиелік, мәдени, спорттық және әлеуметтік бағыттағы жұмыстарды жүйелі түрде ұйымдастыру көзделді.

Сонымен қатар, мектеп президентін сайлау мәселесі қаралып, сайлау өткізу тәртібі мен кезеңдері талқыланды. Үміткерлерге қойылатын талаптар мен олардың сайлауалды бағдарламаларын таныстыру жолдары белгіленді.

Келесі кезекте парламент фракцияларының құрамын қалыптастыру мәселесі қаралды. Әр бағыт бойынша (білім, мәдениет, спорт, тәртіп, ақпарат және т.б.) жауапты мүшелерді сайлау, олардың міндеттері мен жауапкершіліктерін нақтылау туралы ұсыныстар айтылды.

Отырыс барысында қатысушылар өз пікірлерін білдіріп, ұсыныстарын ортаға салды. Нәтижесінде алдағы жұмыс бағыттары айқындалып, мектеп парламентінің тиімді қызмет етуіне негіз қаланды.

Қорытындылай келе, алғашқы отырыс жоғары деңгейде ұйымдастырылып, жаңа оқу жылындағы парламент жұмысының мазмұны мен бағыты нақты белгіленді.

https://www.instagram.com/p/DRBj6CTDNpK/?hl=ru

⚜️МЕКТЕП ПАРЛАМЕНТІ⚜️

         Мектеп парламентінің бастамасымен мектебіміздің ұстаздары мен техникалық қызметкерлеріне алғыс білдіру мақсатында жүрекке жылы, әсерлі шара ұйымдастырылды. Үзіліс уақытында парламент мүшелері арнайы дастарқан жайып, ыстық кофе мен тәттілер ұсынып, әрқайсысына ерекше ықыласпен қызмет көрсетті.

         Шара барысында оқушылар: «Салқын күнде ыстық кофе жүрегіңізді жылытсын!» деген жылы тілектерін арнап, ұстаздар мен техникалық қызметкерлерге шынайы ризашылықтарын жеткізді. Бұл сөздер жай ғана тілек емес, күн сайын білім мен тәрбие беріп, мектептің тыныс-тіршілігін қамтамасыз етіп жүрген жандарға деген құрметтің белгісі болды.

         Ұстаздар қауымы мен қызметкерлер оқушылардың осындай ілтипатына қуанып, ақ баталарын берді. Жылы кофе мен тәтті дәм ғана емес, оқушылардың шынайы алғысы мен ізгі ниеті бәрінің көңілін көтеріп, ұжымдық бірлікті арттыра түсті.

         Осындай шағын, бірақ мағынасы зор игі істер мектеп қабырғасындағы сыйластық пен адамгершілік құндылықтарды нығайтып, үлкенге құрмет, еңбекке алғыс білдірудің жарқын үлгісін көрсетті.

Жауапты:Г.Бидағұлова/тәлімгер/

https://www.instagram.com/p/DU5lDKajRsH/?hl=ru

Өзін-өзі басқару ұйым