«Мұғалжар ауданының білім бөлімі» ММ
«Жаңажол жалпы білім беретін орта мектебі» КММ
КГУ «Жанажольская общеобразовательная средняя школа»

ГУ «Отдел образования Мугалжарского района»

                    Жаңажол жалпы білім беретін орта мектебінде қысқы каникул уақытын тиімді өткізу және құқық бұзушылықтың алдын алу мақсатында өткізілген шаралар туралы мәлімет

«Біздің отбасымыздағы жаңа жыл»

Жаңажол жалпы білім беретін орта мектебінде қысқы каникул уақытын тиімді өткізу және құқық бұзушылықтың алдын алу мақсатында МАД “А”, “Ә” және 1-2 сыныптар арасында 30 желтоқсан мен 1 қаңтар аралығында “Біздің отбасымыздағы жаңа жыл” тақырыбында фотосуреттер ұсынылды.
Жаңа жыл – барша жұрт асыға күтетін, таңғажайып әрі ең көңілді отбасылық мерекелердің бірі. Бүлдіршіндер әдемі ойыншықтармен безендірілген шырша қасында отбасымен түскен әдемі суреттерін және жаңа жылдық көңіл күйлерін фотосуреттер арқылы жеткізді. Аталмыш шара отбасылық құндылықтарды нығайтуға және мерекелік көңіл-күйді қалыптастыруға оң ықпал етті.

Жаңа жыл тек жақсылықтар мен армандардың орындалуын әкелсін!

Жауапты: А.Н.Бримбетова /ұйымдастырушы педагог/

«Ерікті болу-ерлік»

                  2024-2025 оқу жылының қысқы демалыс кезеңінде мектеп оқушыларының бос уақытын тиімді ұйымдастыру және құқықбұзушылықтын алдын-алу мақсатында бірқатар іс-шаралар өткізілді. Іс-шаралар 1-11 сынып оқушыларын қамтып, оларды белсенді демалысқа тарту үшін әртүрлі бағдарламалар мен іс-әрекеттер ұйымдастырылды.

Еріктілер - жаны таза адамдар. Олар - елдің шынайы патриоты. Осы мақсатта “Ерікті болу- ерлік” ұранымен  ағымдағы жылдың 1 қаңтар күні 10-сынып ер балалары бос уақыттарын тиімді пайдаланып, ауылымыздағы балалар ойын алаңына тазалық жұмыстарын жүргізді.Тазалық жұмыстарынан соң, ойын алаңындағы балалармен ойын ойнап, бүлдіршіндердің көңілін көтерді.

  Ерікті болу – ерлікпен тең.

Жауапты: А.Ж.Ғайнединова /әлеуметтік педагог/

«Мектеп мұражайына саяхат»

Мұражайға саяхат жасау тұлғаның үйлесімді дамып, қалыптасуына зор ықпалын тигізеді. Сонымен қатар, оқушыларды ұлтжандылыққа, мәдениеттілікке, өз елінің тарихын құрметтеуге тәрбиелеп, шежірелі өлкенің тарихын біліп қана қоймай, оны сүйіп, құрметтеу әрбір азаматтың міндеті екендігін жете түсінуіне көмектеседі.

Оқушылардың бойында Отанға, елге деген патриоттық сезімдерін ояту және қысқы демалыс кезінде оқушылардың бос уақытын тиімді пайдалану мақсатында ағымдағы жылдың 6 қаңтар күні 3- сынып оқушылары мектеп мұражайына саяхат жасады. ҚББП А.С.Әшібай оқушыларға өлкенің, өңірдің көрікті жерлері туралы және мектеп тарихы туралы мұражайда ақпарат беріп, тарихи танымдарын кеңейтті. Оқушыларымыз мұғалімге өз сұрақтарын қойып, көптеген құнды ақпараттар алды. Балалар аса қызығушылықпен тыңдап, өз әсерлерімен бөлісті.

Білімді де тәрбиелі ұрпақ тәрбиелеу – біздің басты міндетіміз.

Жауапты:А.С.Әшібай /қосымша білім беру педагогы/

«Қыста кітап оқимыз, жадымызға тоқимыз»

2024-2025 оқу жылының қысқы демалыс кезеңінде мектеп оқушыларының бос уақытын тиімді ұйымдастыру және құқықбұзушылықты алдын-алу мақсатында 2024 жылдың 6 қаңтар күні «Қыста кітап оқимыз, жадымызға тоқимыз»  атты шара өткізілді.

Іс-шара 4-5сынып оқушыларын қамтып, оларды белсенді демалысқа тарту үшін ұйымдастырылды. Шара барысында оқушылар өз ойларын еркін білдіріп, бір-бірін тыңдап, мәдени диалог жүргізу дағдыларын көрсетті.

Сонымен қатар оқушылардың сын тұрғысынан ойлау қабілеттерін дамытып, кітап оқуға деген қызығушылықтарын арттыруға ықпал етті.

Жауапты: З.С.Кубаева /кітапханашы/

«Білезік өру» шеберлік сағаты

2024-2025 оқу жылының қысқы демалыс кезеңінде мектеп оқушыларының бос уақытын тиімді ұйымдастыру және құқықбұзушылықты алдын-алу мақсатында 8 қаңтар күні 5-сынып қыз балалары және “Ақбілек” аналар клубының мүшелерінің қатысуымен «Білезік өру» шеберлік сағаты өткізілді.
                 Шеберлік сағаты зергерлік өнерге арналған «Зергерлік өнер – ұлттық мәдениет мәйегі» бейнеролигінің көрсетілімінен басталды.  Аталмыш шара 5-сынып оқушыларын қамтып, оларды белсенді демалысқа тарту үшін ұйымдастырылды. Шара барысында оқушылар аналарымен бірлесіп білезік өру жұмысын белсенді атқарып шықты. Жасаған жұмыс нәтижесінде көз тоярлықтай туындылар шықты.

Жауапты: Г.Б.Мырзабекова /клуб жетекшісі/

«Интернеттегі қауіпсіздік» қауіпсіздік сабағы

2024-2025 оқу жылының қысқы демалыс кезеңінде мектеп оқушыларының бос уақытын тиімді ұйымдастыру және құқықбұзушылықты алдын-алу мақсатында «Интернеттегі қауіпсіздік” тақырыбында шара өтті. Шараға5-сынып оқушыларын қамтып, оларды белсенді демалысқа тарту үшін ұйымдастырылды.

Шара барысында оқушылар өз ойларын еркін білдіріп, бір-бірін тыңдап, белсенді қатысты. Сонымен қатар, оқушылар интернеттің пайдасы мен зиянын айқындап, газет дайындады.
Интернеттегі қауіпсіздік ережелерімен танысып, тосын сұрақтарға жауап беру арқылы тақырыпты аша білді.

Өткізген:Г.Б.Бауыржан /жоба жетекшісі/

ЖАҢАЖОЛ ЖАЛПЫ БІЛІМ БЕРЕТІН ОРТА МЕКТЕБІНДЕ                      

       1 ҚЫРКҮЙЕК-БІЛІМ КҮНІНЕ АРНАЛҒАН ШАРА ТУРАЛЫ МӘЛІМЕТ

         Жаңажол жалпы білім беретін орта мектебінде 2024 жылдың 1 қыркүйек күні Білім күні мерекесіне орай, “Мектебім-мейірім мекені” тақырыбында салтанатты шара өтті. Ақ бантик тағып, бірдей мектеп формасын киген 1,11-сынып оқушылары мереке сәнін келтірді.

         Салтанатты шара мемлекеттік гимнді орындаумен басталып, мектеп директоры Ж. Т. Курантаеваның құттықтау сөзімен ашылды. Мектеп директоры Ж. Т. Курантаева ұстаздар мен оқушыларды мерекемен құттықтап, 2023-2024 оқу жылындағы сапа мен жетістіктерге тоқталып, жаңа оқу жылына толағай табыстар тіледі.   

Салтанатты шараға округ әкімі М. М. Бокашев, ардагер ұстаз Г.Ғ.Утешова қатысып, мектеп табалдырығын алғаш аттаған бүлдіршіндерге алдағы уақытта еліміздің үлгілі азаматтары болып қалыптасуына тілектестік білдірді.

Шара барысында 11- сынып оқушылары 1-сынып бүлдіршіндеріне жүрекжарды тілектерін жеткізіп, оқуда озат болуларын тілеп, білім кілтін табыстады. Шараның соңында 11-сыныптың үздік оқушысы Молдабек Баянсұлу мен 1-сынып оқушылары Ғалымұлы Ахмет пен Самат Адина алғашқы қоңырау соқты.

Жауапты: А.Н.Бримбетова /педагог ұйымдастырушы/,

Г.Ж.Бидагулова /аға тәлімгер/

https://www.instagram.com/reel/C_ZxhGbIVXJ/?igsh=ZDUyZTI4dG81N3pm

ЖАҢАЖОЛ ЖАЛПЫ БІЛІМ БЕРЕТІН ОРТА МЕКТЕБІНДЕ 1 ҚАЗАН-ҚАРТТАР КҮНІ МЕРЕКЕСІНЕ ОРАЙ ӨТКІЗІЛГЕН ШАРА ТУРАЛЫ МӘЛІМЕТ

         Жаңажол жалпы білім беретін орта мектебінде 1 Қазан-Қарттар күні мерекесіне орай, «Қария-асыл қазына» атты мерекелік шара өтті.
         Шараға ауылымыздың қарттары қонақ ретінде шақырылып,сый құрмет көрсетілді. Шараны мектеп директоры Ж.Т.Курантаева ашып,барша қарттарды мерекемен құттықтап,бейбіт өмір үшін алғысын білдірді. Сонымен қатар,Ауылымыздың қазыналарын құттықтау үшін Мұғалжар ауданы әкімінің орынбасары Ә.Е.Есенаманов, Батпақкөл ауылдық округінің әкімі М.М.Бокашев, ”ҚазахОйл” ЖШС әлеуметтік департаменті директорының орынбасары Асхат Асылханұлы келіп, сыйлықтарын тарту етіп, Жаңажол жалпы білім беретін орта мектебінің ұжымына ризашылығын білдірді.

         Концерттік бағдарламамен жалғасқан кеш келген қонақтарымызға көтеріңкі көңіл күй сыйлады.

Жауапты: А.Н.Бримбетова, Г.Ж.Бидагулова

https://www.instagram.com/reel/DAngpwDABf9/?igsh=eDU4YWlzbW9id25w