Вкл/Выкл изображения Шрифт A A A Фон Ц Ц Ц Ц Настройки
Интервал между буквами(Кернинг) СТАНДАРТНЫЙ СРЕДНИЙ БОЛЬШОЙ
Интервал между между строками ОДИНАРНЫЙ ПОЛУТОРНЫЙ ДВОЙНОЙ
Выберите шрифт ARIAL TIMES NEW ROMAN

«Мұғалжар ауданының білім бөлімі» ММ
«Жаңажол жалпы білім беретін орта мектебі» КММ

КГУ «Жанажольская общеобразовательная средняя школа»

ГУ «Отдел образования Мугалжарского района»

МЕНЮ

⚜ҰСТАЗ-ҰЛТ ШАМШЫРАҒЫ⚜            Жаңажол жалпы білім беретін орта мектебінде Ұстаздар күніне орай «Ұстаз – ұлт шамшырағы» атты мерекелік шара өтті.

            Мерекелік кеш барысында мектеп директоры Ж.Т.Курантаева барша ұстаздарды кәсіби мерекелерімен құттықтап, бірқатар педагогтерге Алғыс хаттар мен 5000 теңге көлеміндегі ақшалай сертификаттарды табыстады. Сондай-ақ арнайы қонақ ретінде шақырылған ардагер ұстаздарға құрмет көрсетіліп, мерекелік сыйлықтар табыс етілді.

            Шараға қатысқан Батпақкөл ауылдық округінің әкімі М.М.Бокашев барша ұстаздарды мерекелерімен құттықтап, жылы лебізін білдірді. Сонымен қатар мектеп дәлізін көріктендіруге арналған гүлдер тарту етті.Мерекелік кештің сәнін мектептің өнерпаз оқушылары келтіріп, сахна төрінде әсем ән мен әсерлі өнерлерін паш етті. Ұстаздарға деген ерекше құрметтің тағы бір белгісі ретінде мектепті әр жылдары бітірген түлектердің арнайы құттықтау бейнеролигі экраннан көрсетіліп, кеш қонақтарына ерекше көңіл күй сыйлады.

            Ұстаз – шәкірт жүрегіне білім мен тәрбие дәнін себетін, ұлт болашағын қалыптастыратын мәртебелі мамандық иесі.

https://www.instagram.com/reel/DeJD4UytC5C/?stkn=ZzIzbGszYm90ZWNq

🎥 Ұстаздың да бала күнгі арманы бар…

Жаңажол жалпы білім беретін орта мектебінде Мектеп парламентінің ұйымдастыруымен 5 қазан – Ұстаздар күніне орай ерекше әрі әсерлі бейнеролик түсірілді.

Бейнеролик барысында ұстаздарға «Егер сіз мұғалім болмасаңыз, кім болар едіңіз?» деген қызықты сауал қойылды. Күн сайын шәкірттеріне білім беріп, бағыт-бағдар көрсетіп жүрген ұстаздар бұл жолы балалық шақтарына ойша оралып, кезінде қандай мамандық иесі болуды армандағандарын ортаға салды. Бірі дәрігер, бірі әнші, бірі журналист, енді бірі басқа мамандықты таңдауды армандағанын айтып, өздерінің бала күнгі қызықты естеліктерімен бөлісті.

Бұл бастама арқылы оқушылар ұстаздарын тек мұғалім ретінде ғана емес, өзіндік арманы, мақсаты мен бала күнгі қиялы болған тұлға ретінде жаңа қырынан таныды. Әрбір жауап ұстаздық жолдың да үлкен арманнан, ізденістен, таңдаудан басталатынын аңғартты.

Осындай шығармашылық жұмыстар оқушы мен ұстаз арасындағы байланысты нығайтып, өзара сыйластық пен түсіністікті арттыруға ықпал етеді. Сонымен қатар, оқушыларға әр адамның мамандық таңдауда өзіндік арманы мен өмір жолы болатынын түсінуге мүмкіндік береді.

Мектеп парламенті аталған бейнеролик арқылы ұстаздарға деген құрметін, алғысын және мерекелік жылы лебізін жеткізді. Ұстаздық – бала жүрегіне жол тауып, оның болашағына бағыт беретін ерекше мамандық. Бала күнгі армандарыңыз қандай болғанына қарамастан, бүгінде сіздер талай шәкірттің арманына қанат бітіріп, үлкен өмірге жол сілтеп келесіздер.

Жауапты: Мектеп парламенті

🎓 Дублер күні – оқушылар үшін ерекше тәжірибе!

Жаңажол жалпы білім беретін орта мектебінде Ұстаздар күніне орай 2026 жылыдң 5 қазан күні дәстүрлі «Дублер күні» ұйымдастырылды. Бұл күн мектеп өміріндегі ерекше әрі мазмұнды шаралардың бірі болып, жоғары сынып оқушыларына өздерін жаңа қырынан танытуға мүмкіндік берді.

Дублер күні барысында оқушылар ұстаздардың орнын уақытша алмастырып, бір күн бойы мұғалім міндетін атқарды. Олар сабақтарға алдын ала дайындалып, оқу материалдарын түсіндіру, оқушылармен жұмыс жүргізу, сыныптағы тәртіпті сақтау, тапсырмалар беру және кері байланыс жасау сынды мұғалім қызметінің маңызды тұстарын іс жүзінде байқап көрді.

Бұл тәжірибе оқушыларға ұстаз мамандығының тек сабақ өткізумен шектелмейтінін, оның артында үлкен жауапкершілік, шыдамдылық, ізденіс, шығармашылық және балалармен дұрыс қарым-қатынас орната білу секілді көптеген маңызды қасиеттер жатқанын түсінуге мүмкіндік берді.

Дублер болған оқушылар өздерінің ұйымдастырушылық қабілеттерін, белсенділігін, көшбасшылық қасиеттерін және білімдерін көрсете білді. Кейбір оқушылар үшін бұл күн болашақ мамандық таңдауына ой салса, енді біреулеріне мұғалім еңбегін тереңірек бағалауға себеп болды.

Шара барысында мектепте ерекше көңіл күй қалыптасты. Ұстаздар өз оқушыларының жауапкершілікпен жұмыс істеп, сабақ жүргізуге тырысқанын көріп, оларға қолдау білдірді. Ал оқушылар мұғалім орнына отырып, ұстаз еңбегінің қаншалықты маңызды әрі күрделі екенін өз тәжірибелері арқылы сезінді.

Дублер күні оқушы мен ұстаз арасындағы өзара сыйластықты нығайтып, мектептегі жағымды психологиялық ахуалды қалыптастыруға да ықпал етті. Осындай тәрбиелік мәні зор шаралар оқушылардың дербестігін, жауапкершілігін, бастамашылдығын арттырып, олардың болашаққа деген сенімін нығайтады.

Жауапты: Г. Бидағұлова, тәлімгер

Instagram

Instagram

🎓 ДУБЛЕР КҮНІ

Жаңажол жалпы білім беретін орта мектебінде Дублер күніне орай ерекше бейнеролик дайындалды. Бейнероликте бір күн бойы ұстаздардың орнын алмастырып, мұғалім міндетін атқаратын белсенді әрі жауапкершілігі жоғары оқушылар таныстырылды.

Дублер күні – оқушылар үшін тек қызықты шара ғана емес, үлкен жауапкершілік пен жаңа тәжірибе алаңы. Бұл күні дублер оқушылар сабақ өткізіп, сыныппен жұмыс жасап, ұстаз еңбегінің қыр-сырын жақынырақ сезінуге мүмкіндік алады. Сонымен қатар, олардың көшбасшылық қабілеті, ұйымшылдығы, өзіне деген сенімділігі мен жауапкершілігі шыңдалады.

Дайындалған бейнеролик арқылы мектеп оқушылары Дублер күнінде мұғалімдердің орнын алмастыратын оқушылармен алдын ала танысып, олардың қай пәннен және қандай міндет атқаратынын білуге мүмкіндік алды. Бұл жұмыс оқушылардың Дублер күніне деген қызығушылығын арттырып, алдағы шараға ерекше көңіл күй сыйлады.

Дублер күні – оқушыға өзін жаңа қырынан танытуға, ұстаз мамандығының маңызын түсінуге және бір күнге болса да мұғалім еңбегін сезінуге мүмкіндік беретін тағылымды шара.

Жауапты: Мектеп парламенті

© 2026 «Мұғалжар ауданының білім бөлімі» ММ
«Жаңажол жалпы білім беретін орта мектебі» КММ КГУ «Жанажольская общеобразовательная средняя школа»

ГУ «Отдел образования Мугалжарского района»